"Beles" құрылыс компаниясының директоры, кәсіпкер Махат Төреәлі Түркістан облысының Созақ ауданындағы Тасты ауылында ат шаптырып, үлкен той берді, деп хабарлайды Uaqyt.info.

Кәсіпкер мұндай іс-шараны жылда өткізуді әдетке айналдырған. Ол Тастыдағы тойға биыл өзімен бірге бірқатар танымал азаматтарды ала келіпті. Олардың арасында мәжіліс депутаттары Мақсат Толықбай, Ринат Зайытов және белгілі журналистер Ерқанат Көпжасар мен Нұрсейіт Жылқышыбай, Аяз би Елубай бар.

Айтыскер ақын жырдан шашу шашып, Созақтың халқын әнге қосса, ел ағалары туған жеріне құрмет көрсеткен меценатқа ақ батасын берді. Ал ауыл жастары Махат Төреәлінің иығына шапан жауып, астына тұлпар мінгізді.

Жылдағы дәстүр бойынша, Тастыда бәйге, көкпар және футболдан "Белес жүлдесі" ұйымдастырылады. Жеңімпаздарға қомақты қаражат пен сый-сияпат қарастырылған.

Белгілі меценат, "Beles" құрылыс компаниясының директоры Махат Төреәлі бокстан Ташкентте өткен әлем чемпионатының алтын медаль иегері Санжар Тәшкенбайға Астананың төрінен бір бөлмелі пәтер сыйлады, деп хабарлайды Uaqyt.info.

"Beles" құрылыс компаниясының директоры Махат Төреәлі 48 келіге дейінгі салмақта қарсылас шақ келтірмей, Қазақстан қоржынына алтын медаль салған Санжар Тәшкенбайға және оның бапкеріне құрмет көрсетті. Кәсіпкер боксшыға Астанадан бір бөлмелі пәтер сыйлап, астына сәйгүлік мінгізді.

Айта кетейік, Санжар Тәшкенбай ақтық сында  грузиялық Сахил Алахвердобимен жұдырықтасып, жеңіске жеткен болатын. Ташкент төрінде атой салған қазақ жігіттері туралы Uaqyt.info бұған дейін бірнеше материал жазды.

Танымал меценат, «Beles» құрылыс компаниясының директоры Махат Төреәлі Астанадан мешіт құрылысын бастады. Құдай үйі Қосшы қаласынан бой көтермек, деп хабарлайды Uaqyt.info.

Ізгі жаңалықты Махат Төреәлі өзінің Instagram-дағы парақшасында бөлісті.

“Өздеріңізге қуанышты жаңалығымды хабарлағым келіп отыр.

Алла қаласа, Астананың іргесіндегі Қосшы қаласында жаңа мешіттің құрылысын бастадық.

Әрине, күмбезі көкпен таласқан құлшылық үйі кез келген елді мекенге көрік беретіні сөзсіз. Өз басым жамағатқа осындай сый жасауды біраз жылдан бері армандап, іштей жоспарлап жүр едім. Құдай сәтін салып, сауапты істі жүзеге асыруға бекіндім.

Мешіттің іргетасын қалау рәсіміне Бас мүфти Наурызбай қажы Тағанұлы арнайы келіп, қатысты. Батасын беріп, ақ жол тіледі.

Осыдан 2 жыл бұрын Президентіміз Қасым-Жомарт Кемелұлы Тоқаев Қосшыға қала мәртебесін беру туралы Жарлыққа қол қойған болатын. Аллаға шүкір одан бері Қосшыдағы халықтың саны 80 мыңнан асып, әлдеқайда көбейе түсуде.

Бұрынғы мешіт ескі мешіт 20 жыл бұрын салынған. Сол үшін жамағатқа мешіт сияқты рухани орда керек деп санаймын. Осы құлшылық үйінің құрылысын сол мақсатпен қолға алып отырмыз.

Алла сәтін салса, «Ондыбай ата» атындағы 500 адам сыятын мешітіміздің құрылысы келесі жылы тамызда толық аяқталуға тиіс. Жанында балаларға діни білім беріп, иманын байыта түсетін медресе болады.

Құдай баршамызға бақ-береке берсін, ісімізді оңғарсын!

Келер жылы жұртшылықтың қуанышына ортақтасып, жаңа мешіттің ашылу рәсімін өткізу баршамызға нәсіп болсын!”, - деп жазды Махат Төреәлі.

Айта кетейік, бұған дейін Uaqyt.info Махат Төреләнің бокстан әлем чемпионы Санжар Тәшкенбайға Астананың қақ ортасынан пәтер сыйлағанын жазған болатын.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Mahat Torali (@mahat_torali)

Журналист Нұрсейіт Жылқышыбайдың You Tube арнасындағы "Уақыт көрсетеді" бағдарламасы оқырмандары 500 мың адамға жетті. Осы кезең ішінде 200-ге жуық қонақпен сұхбаттасқан ол арнайы мерекелі кеш ұйымдастырды, деп хабарлайды Uaqyt.info.

Қазақ баспасөзі, қазақ контенті жаңаша түрленіп отыр. Біраз жыл бұрын "Уақыт көрсетеді" тақырыбымен бағдарламасын бастаған журналист Нұрсейіт Жылқышыбайдың You Tube арнасында 500 мың оқырман.

Осы кезең ішінде ол 200-ге жуық қонақпен сұхбаттасыпты. 200 түрлі ой, 200 түрлі тың тақырып пен шынайы әңгіме көптің көңілінен ерекше орын алғаны осы жетістіктен байқалып тұр.

Нұрсейіт сол нәтижелі еңбектің бір бөлшегі болсын деген мақсатта мерекелі кеш ұйымдастырды. Әрине Қазақстандағы медиасалада мұндай шара тұңғыш рет өткізіліп отыр.

Ол студияға келген қонақтарынан қоғамда өзекті талқыға түскен 50 қонағын іріктеп, басын бір дастарханда қосқан. Әрине әрқайсысы өз саласында есімдері елге таныс адамдар.

Мерекелі кеш аясында құрмет-қошеметте көрсетілді. Келген қонақтардың қатарында кәсіпкер Махат Төреәлі Нұрсейітке Астанадан 2 бөлмелі пәтер сыйға тартса, кәсіпкер Талғат Сақан Тайота Лэнд Крузер көлігінің кілтін ұстатты.

Шара Алматыдағы Көктөбе мұнарасында орналасқан мейрамханалардың бірінде өткізілді.

Бокстан әлем чемпионы Санжар Тәшкенбай әскер қатарына қабылданды. Аты әлемге әйгілі спортшы ант қабылдап тұрған сәтін өзінің әлеуметтік желідегі парақшасында жазды, деп хабарлайды Uaqyt.info.

«Отанды сүю – иманнан», - деп жазды боксшы.

Айта кетейік, 48 келіге дейінгі салмақ дәрежесінде өнер көрсететін Санжар Тәшкенбай мамыр айында Ташкентте өткен әлем чемпионатында топ жарған болатын. 20 жастағы спортшыға Астанадан белгілі меценат Махат Төреәлінің бір бөлмелі үй бергенін Uaqyt.info бұған дейін жазды.