- Басты жаңалықтар
- Қоғам
- 30 жылда жеткен жетістік: Жетісу облысында қираудың алдында тұрған әкімдік ғимараты жұртты шошытты
30 жылда жеткен жетістік: Жетісу облысында қираудың алдында тұрған әкімдік ғимараты жұртты шошытты
Алмас Абылай
![](https://uaqyt.info/storage/images/8IGKNL4kzkEGEgfYfbYv0wZT9L2j4zGsaTMYirDv.jpg)
Жетісу облысы, Сарқан ауданындағы Аманбөктер ауылының әкімдік ғимараты құлаудың шақ алдында тұр. Қирап қалған нысанды Самал Қабышева әлеуметтік парақшасында жариялады, деп хабарлайды Uaqyt.info.
Бейнежазбада ауыл тыныс-тіршілігімен мәжіліс депутаты Руслан Қожасбаевтың танысқаны жазылған. Сол сапар барысында мұндағы басты мәселелер бүкпесіз көрсетіліпті.
Ауылға жаңа сайланған әкім Шырынгұл Батайқызы тозығы жеткен ғимаратта 9 қызметкерімен жұмыс істеп отырғанын айтқан.
"Әкімдік ғимараты осылай болса, басқа жайлы айтудың өзі артық-ау. Халыққа қызмет көрсетіп, жағдай жасайтындардың өзі осындай жерде отырса, өз мәселелерін шеше алмаса, халықтың мәселесін қалай шешпек", - деп жазады Самал Қабышева.
Желідегі жұрт та бұл жағдайға жаға ұстап отыр.