Алматыда жер сілкінісі болған жағдайда тұрғындар сусыз қалуы мүмкін бе?

Осы сұраққа Үкімет отырысынан кейінгі брифингте Су ресурстары және ирригация министрі Нұржан Нұржігітов жауап берді, деп хабарлайды Uaqyt.info.

«Алматы қаласының төңірегінде үлкен су нысандары жоқ. Сондықтан ауыз сумен қамтамасыз ететін барлық жүйе бүгінгі күні қолданыстағы құрылыс нормаларына сай әзірленген және салынған. Қала жерасты су көздері арқылы ауыз сумен қамтамасыз етіліп отыр. Өздеріңіз де көріп отырсыздар, кейінгі жер сілкінісі кезінде Алматы қаласын сумен қамтуда ешқандай іркіліс болған жоқ», - деді Нұржан Нұржігітов.

Uaqyt.info ел-жұрттың зәресін алған қаладағы жер сілкінісі туралы бұған дейін бірнеше материал жазды.