Ақмола облысында төрт жасар бала кәріз құдығынан өлі табылды
Алмас Абылай
![](https://uaqyt.info/storage/images/mhXeYEvBwvzcZCNHCLyNfmF6zfj9Acqsss5bwKPZ.jpg)
Ақмола облысында із-түссіз жоғалып кеткен баланың денесі кәріз құдығынан табылды. Төрт жастағы балақай 8 сәуірде сыртқа ойнауға шығып, сол күйі үйіне оралмаған болатын, деп хабарлайды Uaqyt.info.
Ақмола облыстық ІІД баспасөз қызметінің мәліметінше, баланың жоғалғаны туралы ақпарат 102 пультіне 8 сәуірде сағат 22:00 шамасында түскен. Полицейлер жедел іздестіру шараларын жүргізу барысында төрт жастағы баланың мәйітін кәріз құдығынан тапты.
“Қазіргі уақытта полицейлер қайғылы оқиғаның мән-жайын анықтау үшін қажетті жедел-іздестіру шараларын жүргізіп жатыр. Тергеу қорытындысы бойынша процессуалдық шешім қабылданады", - делінген хабарламада.