Ақтауда жаңажылдық отшашуға 3 млн теңге бөлінген
Фото Ашық дереккөзден
Ақтауда биыл жаңа жыл кешінде мерекелік концерт өтпейтін болды. Оның орына LED-экран орнатылып, құны 3 миллион теңге көлеміндегі отшашу ұйымдастырылады, деп хабарлайды Uaqyt.info Kazinform-ға сілтеме жасап.
Облыс орталығындағы Абай атындағы мәдени-демалыс кешенінің басшысы мерекеге орайы ешқандай жаңа жылдық кеш өткізілмейтінін жеткізді. Дегенмен 31 желтоқсан күні 15 шағынаудандағы амфитеатр алаңына қала тұрғындары үшін LED-экраннан мерекелік концерт көрсетіледі.
Ал түнгі сағат 00:00-де отшашу жоспарланып отыр.
«Биыл жаңа жылдық отшашуға 3 млн теңге қаражат бөлінді. Өңірде ауа райының салқын болуына байланысты сырқаттанған балалар саны өте көп. Осы орайда концерт ұйымдастырмау туралы шешім қабылданды. LED экраннан республикалық арналардағы мерекелік бағдарламалар көрсетіліп, Президент құттықтауы беріледі. Жергілікті уақыт бойынша облыс әкімі маңғыстаулықтарды құттықтаған соң отшашу басталады», - деді Абай атындағы мәдени-демалыс кешенінің директоры Әмірхан Құлбаев.
Ұсынылатын
