Арабтар арақ сата бастады

Cауд Арабиясының жариялауынша, Эр-Риядта 70 жылдан астам уақыт ішінде алғашқы алкоголь дүкені ашылады, ондағы сусындар мұсылман емес дипломатиялық қызметкерлерге сатылады, деп хабарлайды Uaqyt.info Қазақпаратқа сілтеме жасап. 

Дүкеннің клиенттері дипломатиялық қызметкерлер ғана болмақ. Олар ұзақ жылдар бойы алкогольдік сусындарды дипломатиялық пошта ретінде танымал мөрленген ресми қаптамамен импорттаған.

Елде бұл тыйым 1952 жылы король Абдул Әзиздің ұлдарының бірі мас күйінде британдық дипломатты атып өлтіргеннен кейін күшіне енген.

Дүкен бірнеше апта ішінде ашылады деп күтілуде.

Ол Эр-Риядтың дипломатия кварталында, қала орталығының батысында орналасады.

Мұнда келушілерге келесі шектеулер қойылады:

Алдын ала тіркеліп, мемлекеттен рұқсат алу қажет.

Дүкенге 21 жасқа толмағандар кіргізілмейді және оның ішінде әрқашан «тиісті киім талап етіледі».

Алкоголь сатып алу үшін бейтаныс адамды, мысалы жүргізушіні жіберуге болмайды.

Ай сайынғы шектеулер енгізіледі.

Келушілер айына алкогольді 240 «ұпайға» дейін сатып ала алады. Бір литр спирттік ішімдік алты ұпайға, бір литр шарап - үш ұпайға, бір литр сыра бір ұпайға бағаланады.

Сауд Арабиясының ресми өкілдерінің мәлімдеуінше, дүкен «алкогольді заңсыз сатуға» қарсылық танытады.

Парсы шығанағының басқа елдерінде осыған ұқсас режимдер бар.

Алайда БАӘ мен Катарда қонақүйлер, клубтар мен барларда 21 жастан асқан мұсылман емес тұлғаларға алкоголь сату рұқсат етілген.

Сауд Арабиясының қолданыстағы заңнамасына сәйкес, алкогольді тұтыну немесе сақтау үшін жазалау айыппұл, түрмеге қамау, көпшілік алдында соққыға жығу және депортацияны қарастырады.