Арман Жұмагелдиевті қамау мерзімі тағы ұзарды
Uaqyt.info
Фото Ашық дереккөзден
“Дикий Арман” лақап атымен танымал Арман Жұмагелдиевті қамауда ұстау мерзімі 7 маусыға дейін ұзарды, деп хабарлайды Uaqyt.info.
Бұл туралы Алматы қалалық сотының баспасөз қызметі хабарлады.
"Алматы қаласының мамандандырылған ауданаралық тергеу сотының 2023 жылғы 6 сәуірдегі хабарламасы бойынша, сот қаулысымен тергеу органының өтініші қанағаттандырылды. А. Жұмагелдиевке қатысты қылмыстық іс материалдарымен танысу кезеңінде қамау мерзімін 2 айға, яғни 2023 жылғы 7 маусымға дейін ұзартуға санкция берілді", делінген хабарламада.
Айта кетейік, Арман Жұмагелдиев "Қаңтар оқиғасы" бойынша күдікті деп танылды. Оған қылмыстық топ құрды, Алматыдағы тәртіпсіздіктер кезінде адамдарды ұрлады деген бірнеше айып тағылған.
Ұсынылатын
