Атырауда із-түссіз кеткен қыз төрт күннен бері табылмай жатыр

Атырауда 16 жастағы қыз төрт күннен бері іздестіріліп жатыр. Ол 6 сәуірде үйінен шығып, сол күйі қайта оралмаған, деп хабарлайды Uaqyt.info.

Атырау облыстық ТЖД  қоғаммен байланыс тобының мәліметінше, іздестіру жұмыстарына жедел құтқару жасағынан 10 адам, 1 техника мен 2 жүзу құралы, Полиция департаментінен 5 адам, 1 техника тартылған.

«Атырау қаласының 2007 жылы туған тұрғыны 6 сәуір күні ата-анасына ескертпей, үйінен белгісіз бағытқа шығып, кері оралмаған. Осыған байланысты Төтеншеше жағдай департаментінің өрт сөндіру және авариялық-құтқару қызметінің құтқарушылары Жайық өзенінде су астынан іздестіру жұмыстарына жұмылдырылды», - делінген хабарламада.