Азиада – 2023: Мейіржан Шермаханбет грек-рим күресінен күміс жүлдеге ие болды

Қытайдың Ханжчоу қаласында өтіп жатқан Азия ойындарында қазақстандық Мейіржан Шермаханбет грек-рим күресінен күміс жүлдеге қол жеткізді, деп хабарлайды Uaqyt.info.

67 келіге дейінгі салмақта өнер көрсететін отандасымыз Мейіржан Шермаханбет финалда жапониялық Кацуаки Эндоменге есе жіберді. Қорытынды есеп - 4:3. Айта кетейік, бұған дейін 60 келіге дейінгі салмақта қола жүлде үшін бәсекеде Айдос Сұлтанғали солтүстіккореялық Ри Се Унге 1:2 есебімен жол берген болатын.