Азия ойындары: Қазақстан қоржынына үшінші жүлде түсті
Фото Ашық дереккөзден
Қытайдың Ханчжоу қаласында өтіп жатқан ХІХ жазғы Азия ойындарында Никита Чирюкин оқ ату жарысынан қола медальға қол жеткізді, деп хабарлайды Uaqyt.info.
El.kz ақпараттық агенттігінің жазуынша, 5 метрге жылдам атылатын тапаншамен сайыс кезінде Никита басында іріктеуден өте алмаған. Алайда үшінші орын алған қытайлық спортшы кейіннен финалға жіберілмеді. Сөйтіп, жетінші орындағы Чирюкин финалдағы алтылықтың қатарына қосылды.
Ал шешуші кезеңде отандасымыз 26 ұпай жинап, үшінші орынға тұрақтады.
Қазақстандық спортшы жеңіс тұғырын Қытай мергендерімен бөлісті.
“Никита - көптеген беделді жарыстардың жеңімпазы және жүлдегері. Бүгін де ол биіктен көрінді. Бәсекелестік қиын болғанына қарамастан ол өзінің шеберлігін көрсетті. Никитаны, оның командаластары мен жаттықтырушыларын осы жүлдемен құттықтаймын”, - деді ҚР Туризм және спорт министрі Ермек Маржықпаев.
Ұсынылатын
