Бақшасында көкнәр еккен Түркістан облысының тұрғыны ұсталды
Uaqyt.info
Фото Ашық дереккөзден
Түркістан облысының тұрғынынан "көкнәрдің“ 4 мыңға жуық түбі тәркіленді, деп хабарлайды Uaqyt.info.
Polisia.kz хабарлауынша, Есірткі қылмысына қарсы іс-қимыл басқармасының қызметкерлері мен Қазығұрт ауданының полицейлері бірлесіп, жедел-іздестіру іс-шаралары кезінде жергілікті тұрғынның бірінің үйінен құрамында есірткі заты бар өсімдік егілгенін анықтады.
Үйді тінту кезінде, күдіктінің бақшасынан "көкнәрға" ұқсас 3900-ден астам есірткі түбін тауып, тәркіледі. Сараптама қорытындысы өсімдіктің 160 келіден асатын "көкнәр" екенін растады.
Аталған факті ҚР ҚК 300-бабы бойынша тіркелді. Сотқа дейінгі тергеу амалдары жүріп жатыр. Күдікті қамауда.
Ұсынылатын
