“Баталовтың көңілдесі болдың ба?” Бишімбаев Салтанатқа бір сұрақты 175 рет қойған

Қуандық Бишімбаев Салтанат Нүкеноваға “Жыныстық қатынасқа түстің бе?” деген сұрақта 175 рет қойған. Бұл туралы жәбірленуші тараптығ адвокаты Дамир Ишмамбетов сотта айтты, деп хабарлайды Uaqyt.info.

Адвокаттың айтуынша, Қуандық Бишімбаев әйелі өлім аузында жатқанда дәл осы сұрақты 20 минут бойы тоқтаусыз қойған. Сондай-ақ ол сұрақтың арасында Салтанатқа қол жұмсап, өз сұрағына керекті жауап алғысы келген.

“Бишімбаев монотонды дауыспен 20 минут ішінде 175 рет "Сен Райымбек Баталовтың көңілдесі болдың ба?" деп сұраған. Бір видеода Бишімбаев Нүкенованы аяғымен тепкенде қан шашырап жатқанын көруге болады. Видеоны өшірген кезде денесіне ауыр соққылар жасап, өзі естігісі келген сөзді айтқызбақ болды”, - деді адвокат Дамир Ишмамбетов.

Айта кетейік, бұған дейін сотта Бишімбаев «Атамекен» ҰКП басшысы туралы жағымсыз пікір айтқан болатын. Кейіннен өзі туралы айтылған әңгімеге Райымбек Баталов жауап беріп, күдіктінің сөздерін жоққа шығарды.