Бахмуттағы жетістік, басқыншылардан тазартылған ауылдар: Украинаның қарымта шабуылы үдей түсті

Украина әскері соңғы күндері қарымта шабуылды үдете түсті. Тіпті Донецк және Запарожье облыстарындағы бірнеше елді-меке жау әскерінен тазартылған, деп хабарлайды Uaqyt.info.

ВВС агенттігі дерегіне сүйенсек, Украина әскері Донецк облысындағы Великая Новоселка және Времевка елді-мекендерін басқыншылардан босатқан. Сонымен қатар Благодатное және Макаровка ауылдарының да жау әскерінен тазартылғаны айтылуда. Бұл елді-мекендерді өткен жылдың наурыз айында Ресей басып алған болатын.

Украина билігі дәл осы қарқынмен барлық ауылды кері қайтармайынша тынышталмайтынын мәлімдеп отыр.

Бахмут қаласында да жетістік бар. Онда Украина әскері тағы жүздеген метрге алға жылжыған.