Бокстан әлем чемпионы Санжар Тәшкенбай әкесіне қымбат көлік сыйлады
Алмас Абылай
Фото Видеодан кадр
Ташкентте өткен әлем чемпионатында топ жарған қазақстандық боксшы Санжар Тәшкенбай әкесіне қымбат көлік сыйлады, деп хабарлайды Uaqyt.info.
Қуанышты жаңалығын боксшы әлеуметтік парақшасында жариялады. Видеода әкесі Тәкен Тәшкенбайға көлік сыйлаған сәтін көруге болады. Артынша иығына шапан жабады.
"Асқар тау әкешіме бала кезден армандап жүрген сыйлығымды сыйладым. Ең бірінші осы күнге жеткізген Аллаға сансыз шүкір. Екінші әке - анамыздың арқасы, барлықтарыңызға жұғысты болсын", - деп жазады боксшы.
Желідегі жұрт оның бұл қуанышына ортақ екенін білдірген жылы лебіздерін жазуда.
Ұсынылатын
