Дубай шейхтері қазақстандық ерекше балаларды марапаттады

"Жас жауынгер" дене шынықтыру-сауықтыру клубы 19-21 тамыз аралығында Дубайда алғаш рет үш күндік оқу-жаттығу жиынын өткізді, , деп хабарлайды Uaqyt.info.

Саяхат барысында жоспарлы жаттығулар мен демонстрациялық қойылымдардан бөлек, балалар үшін керемет демалыс және қызықты ойын-сауық бағдарламасы ұйымдастырылды

“Дубайға сапарымыздың негізгі мақсаты - балалардың ашылуына көмектесу, оларды өзара қарым-қатынасқа және қоғамда өзін көрсетуге үйрету. Осы тұрғыдан алғанда, сапар көптеген балалар үшін сынақ болды және олар осы тапсырманы мінсіз орындады деп ойлаймын, олар өз мүмкіндіктеріне сенімді болды. Сонымен қатар біз араб қоғамының назарын денсаулығы шектеулі балаларға аударамыз деп үміттенген жоқпыз. Бірақ Dubai Mall-да сөйлеген сөзінде жергілікті тұрғындар барынша қошемет көрсетіп, біздің бірегей әдістемемізге қызығушылық танытты. Сөз соңында Дубай шейхтері балаларымызды арнайы медальдармен марапаттады. Осының нәтижесінде, қазір біз осындай сапарларды тұрақты түрде ұйымдастыру туралы келіссөздер жүргізіп жатырмыз. Біз мұндай клубтардың бүкіл әлемде ашылғанын қалаймыз, өйткені ерекше қажеттіліктері бар балалар барлық жерде бар. Біздің әдіс әлемдегі барлық балаларға көмектесе алады. БАӘ астанасында «Жас Жауынгер» балалары мен олардың ата – аналары үшін үш күндік жиындарды өткізу клубтың қамқоршысы және демеушісі - Дмитрий Инютиннің қолдауының арқасында мүмкін болды”, - дейді атқарушы директор, "Жас жауынгер" әдістемесінің авторы Садық Байымбетов. 

"Жас Жауынгер" 2018 жылдан бастап мүгедектігі бар балаларды (тірек-қимыл аппаратының әртүрлі бұзылуы және ОЖЖ зақымдануы, генетикалық аурулар) өзінің сертификатталған әдістемесі бойынша тегін жаттықтырады. Бұл біздің елімізде және одан тыс жерлерде бейімделген жекпе-жек өнері бойынша жұмыс істейтін алғашқы жоба: бокс, жекпе-жек, каратэ, армрестлинг немесе гирь спорты. "Жас Жауынгер" жаттығулары балалардың физикалық жағдайын нығайтуға, олардың денсаулығы мен психоэмоционалды жағдайын жақсартуға бағытталған.

"Жас Жауынгер" спорттық-сауықтыру клубы Қазақстанның бес қаласында жұмыс істейді: Алматы, Семей, Шымкент, Атырау және Астана, сонымен бірге мүгедек балалардың көпшілігіне бейімделу жаттығуларын қолжетімді ету үшін желіні одан әрі дамытуды жоспарлап отыр. Қазақстан өңірлері мен жақын маңдағы елдерді ( Түркия, Ресей және Қытай) ескере отырып, "Жас Жаунгер" клубының спорттық бағдарламаларының жобасын жалпы әлеуетті қамту аясы – әртүрлі мүгедектігі бар 150 000-ға жуық бала. Осыған байланысты клуб өзінің кадрларды даярлау бағдарламасын белсенді түрде енгізуде және өз тәрбиеленушілердің мүддесі үшін серіктестік және демеушілік жобаларға қатысуға ашық.