Ердоғанды да елер емес: Израиль әскері Газа орталығына жетті

Израиль әскері Газа Секторын тазалау мақсатында бұған дейін басып кірген еді. Бірер күнде олар орталыққа жеткен, деп хабарлайды Uaqyt.info.

Израиль қорғаныс армиясының Құрлық әскерлерінің бөлімшелері жұмаға қараған түні Палестинаның ХАМАС қозғалысына қарсы рейд жүргізу үшін Газа секторының аумағына кірген. Танктердің қолдауымен ЦАХАЛ жаяу әскері Газа секторының солтүстігінде Хамас содырларымен соғысып жатыр. Израиль армиясы құрлықтағы әскери операциясын кеңейтіп, Газаның орталығына қарай жылжып, оны қоршауға алуда.

Соңғы мәліметтер бойынша, палестиналық содырлардың Израильге жасаған шабуылы нәтижесінде 1,4 мың адам қаза тапты, Газа секторында израильдік әскерилердің жауап әрекеттерінен болған шығын 8 мыңнан асты.

Газа аумағында Израиль армиясының 36-дивизиясының жаяу әскер бөлімшелері, броньды машиналары мен инженерлік бөлімдері қатысуда. Олар бірнеше сағат бойы Газа аумағында болды және "ХАМАС пен террористік нысандарға" қарсы әрекет етеді. Газет атап өткендей, рейд аяқталғаннан кейін әскери бөлімшелер Израиль аумағына оралуы тиіс.