Ерке Есмахан 12 млн тұратын қымбат сөмкесін көрсетті

Танымал әнші Ерке Есмахан құны 12 миллион тұратын қымбат сөмкесін көрсетіп мақтанды. Құнды дүниені оған күйеуі сыйға тартқан, деп хабарлайды Uaqyt.info.

Бағалы сыйлығын әнші әлеуметтік желідегі парақшасында көрсетті.

“Осыдан 10 жыл бұрын, қомақты табыс тауып бастағанда, дәл осындай сөмке ұстаймын деп ойламадым. Ауылдан шықтым, Ақтөбеде тұрып, Алматыға келдім. Керемет орталарды көріп, көп нәрсені түсіне бастадым. Бала күнімнен сәнге жақынмын. Аңыз сөмкені қатты армандадым. Міне, күйеуімнің арқасында орындалды. Әрине, әңгіме сәнді киінуде емес. Ең маңыздысы – деннің саулығы. Бірақ әр әйелдің ішкі сезімін рахатқа бөлеп, өмірін әдемі ететін дүниелер бар. Оған ұмтылудың еш айыбы жоқ. Өзімнің арманым, әрі күйеуімнің қолдауының арқасында армандаған сөмкені алдым. Бағасы – 12 миллион теңге. Тапсырыс беріп, екі ай күттім. Арнайы мен үшін ғана тігілген. Көлемі – 25 сантиметр. Осы жылдың тренд түсі”, – деп жазды әнші.