Гүлмира Сатыбалды Тұрсын Алагөзовке 6,5 млрд теңгенің акцияларын қайтаратын болды

7 жылға сотталған Гүлмира Сатыбалды кәсіпкер Тұрсын Алагөзовке 6,5 млрд теңгенің акцияларын қайтарады, деп хабарлайды Uaqyt.info.

 «Гүлмира Сатыбалдыдан Т. Алагөзовке келтірген материалдық және моральдық залалды өндіріп алу туралы азаматтық талап ішінара қанағаттандырылсын. Г. Сатыбалдыдан материалдық залал келтіргені үшін жәбірленуші Т. Алагөзовтің пайдасына 6,5 млрд теңге көлемінде «Galanz bottlers» АҚ жай акцияларының 43%-ы өндіріп алынсын. Сонымен қатар, Г. Сатыбалдыдан моральдық залал келтірегені үшін 1 млн теңге өндірілсін. Одан бөлек, мемлекеттің кірісіне және мемлекеттік баж ретінде 65,8 млн теңге өндірілісін», - деді судья Кемеңгер Имашев.