Гүлзира Айдарбекова казинода Қайраттың қарызын күйеуім жауып берді деген актриса сөзіне пікір білдірді

Гүлзира Айдарбекова Қайрат Нұртастың казинода қарызға белшеден батқанын айтқан актриса Динара Әлжанға жауап берді деп хабарлайды Уақыт.кз.

Қайрат Нұртастың анасы ұлына байланысты пікірді әлеуметтік желіде жазды. Оқырмандардың бірі Болаттың тоқалы балаңыз туралы айтқанына не дейсіз? Шынымен казинода көмектескені распа деген сұрағына былай деп жауап жазған.

"Кім не айтпай жатыр. Қайратты айтса күшті хайп болатынын басқа былай тұрсын, өзіңнен де байқап тұрған боларсың. Ондай өсекші хайп іздеген журналистерге уақытым жоқ, өсегіне ақталып отыратын. Шымшылап отыр ғой, бізді қарсы шықса шулатса біздің ютубтың просмотры көтеріледі деп. Ол ойындарына тойғанмын. Білген өсектерін айта берсін. Қайрат казинода отырса, күніге концерт беріп, тойға шығып жүрген двойнигі ма екен. Не істеп жүргенін күніге инстасынан көріп отырсыңдар ғой", - деп жазады ол.

Десе де, бұл жауапқа оқырмандардың пікірі екі жарылған. Бірі Гүлзира Айдарбекованың жазбасын қолдайтынына тоқталса, енді өзгелері болған жайтты мойындау да ерлік екенін айтуда.

Еске салайық, Уақыт.Кз бұған дейін Болат Назарбаевтың тоқалдарының бірі болған актриса Динара Әлжан әнші Қайрат Нұртасқа қатысты ел естімеген құпияның бетін ашқанын жазған еді.