Мола үстіндегі балалар лагері: Түркістан облысында тұрғындар дабыл қақты

Түркістан облысында үш жүз жылдық тарихы бар ауыл моласы балалар лагерінің аумағында болып шықты. Салдарынан өлілерге құран бағыштау үшін азаматтар лагер басшылығынан ішке кіруге рұқсат алып жүр, деп хабарлайды Uaqyt.info.

Мола үстіндегі лагер туралы Закон.кз жазды. Дерекке сүйенсек, халық құран оқу немесе жерлеу рәсімін өткізу үшін қақпаның алдында сағаттап тұрып, лагерь басшылығынан рұқсат сұрауы керек екен. Ал аумаққа кіргенде балалардың құлпытастар арасында жүгіріп ойнап жүргенін, үлкендердің ішімдік ішіп жатқанын көріп жаға ұстайды.

Бұл жағдайға ашуланған ауыл тұрғындары шенеуніктерге бірнеше рет жүгінген. Олар өзінен бұрынғылар қателесті деп есептейді және жағдайды қалай түзетуге болатынын біледі. Дегенмен зираттың демалыс орындарынан қашан бөлінетінін ешкім айта алмайды.

"Біз Оқу-ағарту министрлігі мен Қаржы министрлігіне жерді облыстық қорға қайтару керек екені жөнінде бірнеше рет хат жолдадық. Шешім соларға байланысты, мәселені бірлесіп шешу керек. Одан кейін зират үшін жеке мемлекеттік анықтама жасаймыз. Сонымен мәселе шешіледі", - деп түсіндіреді Төлеби аудандық жер қатынастары бөлімінің бас маманы Дәулет Исабекұлы.