“Ондай келін керек емес”. Нұрлан Еспанов ұлының үйленуіне қарсы болған
Фото Ашық дереккөзден
Белгілі әнші әрі композитор Нұрлан Еспанов жалғыз ұлы Олжастың таңдауына қарсы болғанын айтты. Оның айтуынша, қыздың ұлты басқа, деп хабарлайды Uaqyt.info
Бұл туралы әнші "Менің өмірім" бағдарламасында айтты. Онда Еспанов ұлы Олжасқа қатысты ел естімеген құпияны ашады. Айтуынша, Олжас үйге шетелдік қызды әкелмекші болған. Бірақ әкесі баласының бұл таңдауын құптамай, қарсы болған. Содан бері ұлы әлі үйленбей жүр екен.
"Сен үйдегі жалғыз тал ұлсың. Сен кетіп қалсаң, бізге кім қарайды? Үйде екі қарындасың бар. Оларды ұзату керек, үйлі-жайлы қылу керек. Сен кетіп қалсаң, біз не істейміз?", - дедім. Жалғыз ұлым ғой енді. Оның ұлты бөлек болды. Маған ұлты қызық емес. "Алматыда тұратын қыз болса, үйлене бер", - дегем. Бірақ ол шетел асып кеткен қыз екен. "Ұлымнан айырылып қалам ба? Сол жаққа кетіп қалмай ма?" - деген ой болды. Сөйтіп тоқтаттым. Сол кезде тоқтады да, әлі үйленбей жүр. Қазір кітабы шықты. Соны оқып көруім керек пе?! Сонда ғана оның ойын, көңілін түсінетін шығармын. Қандай қыз керек дегендей... Бір күні сұрасам: "Қыз жоқ", - дейді. Instagram парақшасында 80 мың қыз бар", - деді Еспанов.
Ұсынылатын
