Ондыққа кіре алмаған Қазақстан: Азия ойындарының жеңімпаздарына қанша ақша беріледі?

Қытайдың Ханчжоу қаласында өткен Азия ойындарында топ жарған спортшылар медалі үшін қанша сыйақы алатыны белгілі болды, деп хабарлайды Uaqyt.info.

Қазақстан құрамасы 45 мемлекет қатысқан додада 11 орынға тұрақтады. Қоржында 80 медаль. 10 алтын, 22 күміс және 48 қола.

Енді осы жеңімпаздарға бюджеттен қанша теңге мөлшерінде сыйақы берілетіні белгілі болды.

Яғни азиада жеңімпаздарына, алтын медаль жүлдегерлеріне 10 000 доллар, теңгемен 2 миллин 300 мың теңге шамасында. Ал күміс жүлдегерлер 5 000 доллар, қола жүлдегерлер 3 000 доллар алады.

Жаттықтырушыларға  5 000, 3 000 және 2 000 доллардан берілмек.

Командалық жарыстарға қатысқан спортшыларға жеке төлемдер қарастырылған.

Айта кетейік, енді келесі Азия ойындары 2026 жылы 19 қыркүйек пен 4 қазан аралығында Жапонияның Нагоя қаласында өткізіледі.