Өскеменде күнбағыс майы зауыты өртеніп, 75 тонна пісте күлге айналды
Фото Ашық дереккөзден
Өскеменде күнбағыс майын шығаратын зауыт өртенді. Тілсіз жаудан 75 тонна пісте күлге айналған, деп хабарлайды Uaqyt.info.
Ктк арнасының хабарлауынша, қызыл жалын күнбағыс дәнін кептіретін камерада тұтанған. Небәрі 80 шаршы метр аумақты шарпыған өртті мамандар әрең сөндірген. Себебі майлы дақыл лаулап жанып, жапсарлас орналасқан қоймаларға да қауіп төндірген.
Осы жерде сақталған шикізаттың тек үш мың тоннасы ғана аман қалды. Қалған 75 тонна күнбағыс жанып кеткен. Мамандар өрттің тұтануына технологиялық процестің бұзылуы себеп болуы мүмкін дейді.
“Оттың жақын маңдағы басқада құрылымдарына таралуына жол бермеді. Жалпы өртті сөндіруге 60 астам жеке құрам және 18 техника, өрт сөндіру пойызы да жұмылдырылды”, - деді ШҚО ТЖД бас маманы Жадыра Аманғалиқызы.
Ұсынылатын
