Өскеменде күшіктерді балтамен аяусыз өлтірген ер адам ұсталды
Фото Ашық дереккөзден
Өскеменде күшіктерді аяусыз балталаған азамат ұсталды. Оның қатыгез әрекеті ғаламторда жария болып, жұрт жағасын ұстаған. Енді жануарды қорлағаны үшін ол заң алдында жауап беретін болады, деп хабарлайды Uaqyt.info.
Бұл туралы кtk.kz жазды. Әлі көзін аша қоймаған кішкентай күшіктерді еш шімірікпестен балтамен шауып жатқан азамат осылайша еліріп, Ермек дегеннен өш алып жатқандай сөйлеп тұр. Ол тіршілік иесі иттің баласын емес, ағаш шауып тұрғандай аяусыз балталады. Екінші адам оны жайбарақат ұялы телефонына түсіріп тұр. Бұл видео жария болысымен-ақ қаскөй ұсталды. Ол Өскемен қаласының 56 жастағы тұрғыны екен.
“Аталған ер адам анықталып, бөлімшеге жеткізілді. Осы факті бойынша жануарларға қатыгездік көрсеткені үшін сотқа дейінгі тергеу басталды. Ол жасаған әрекеттің мән-жәйі анықталуда”, - деді ШҚО ПД баспасөз хатшысы Татьяна Карпова.
Ұсынылатын
