Панкратионнан әлем чемпионатында ел намысын қорғаған спортшылар рекордтық көрсеткішпен жеңіске жетті

Өзбекстан астанасы Ташкент қаласында өткен панкратионнан әлем чемпионатында қазақстандықтар 41 медаль қанжығалады, деп хабарлайды Uaqyt.info.

Панкратионнан әлем чемпионатында қазақстандық қыз-жігіттер топ жарды. 500-ден астам спортшы қатысқан жарыста ел намысын қорғаған азаматтар 41 медаль қанжығалаған. Оның 13-і алтын. Осылайша жалпы есепте ұлттық командамыз бірінші орынға ие болған.

Қазақстан тарихында бұл рекордтық көрсеткіш, тарихи жетістік.

Айта кетейік, әлем чемпионаты мамырдың 2-сі мен 4-і аралығында өтті.