Павлодарда әріптесін соққыға жыққан полиция бөлімінің бастығына қатысты тергеу басталды

Павлодарда әріптесіне қол көтерген полиция бөлімінің бастығына қатысты тергеу басталды. Бұл туралы облыстық ПД бастығы Василий Скляр әлеуметтік желідегі парақшасында жазды, деп хабарлайды Uaqyt.info.

“Аталған дерекке қатысты тергеу амалдары жүргізіліп жатыр. Бұл үшін арнайы тапсырма бердім. 13 қазанда болған жағдайға қатысты жан-жақты тергеу амалдары жүргізілетін болады. Тек содан кейін ғана әріптесін соққыға жыққан қызметкерге құқықтық баға беріледі”, - деп жазды Скляр.