Пригожин өлді ме? Ресейде апатқа ұшыраған ұшақ ішіндегі 10 адамның тізімі жарияланды

Ресейдің Тверь облысында апатқа ұшыраған жекеменшік Embraer Legacy ұшағы бортындағы 10 адамның тізімі жарияланды, деп хабарлайды Uaqyt.info.

АПА агенттігі дерегіне сүйенек, ұшақ бортында Вагнер жетекшісі Евгений Пригожинде болған. Одан бөлек, Дмитрий Уткин, Сергей Пропустин, Евгений Макарян, Александр Тотмин, Валерий Чекалов, Николай Матюсеев және экипаж мүшелері Алексей Левшин, екінші пилот Рустам Каримов, Кристина Распопова болған.

Соңғы деректерге сүйенсек, ұшақ апаты салдарынан борттағы барлық адам көз жұмған.

Құтқарушылар оқиға орнында тексеру жұмыстарын жалғастыруда.