Қарттар үйінде 71 жастағы зейнеткер тірідей өртеніп кетті

Қонаев қаласындағы қарттар үйінің 71 жастағы тұрғыны тірідей өртеніп кетті. Дәрегерлер денесінің 80 пайызын күйік шалғанын айтуда, деп хабарлайды Uaqyt.info.

Әзірге нақты неден мұндай жағдайға тап болғаны белгісіз. Алдын ала дерек бойынша қарт кісі темекі тұқылын киіміне түсіріп алған.

Қалалық әлеуметтік қызмет көрсету орталығының мәліметінше, ер адам бөлмеде жалғыз тұрған.

"Қазір киімдердің барлығы синтетикадан тігіледі. Киімнің үстіне темекі түсіп, өрт шыққан. Мұны қызметкерлер марқұмға қызмет көрсету кезегі келгенде ғана байқаған. Олар өртті өшіріп, жедел жәрдем шақырған", - деді мекеменің қожайыны Роза Жамансарина.

Дәрігерлердің айтуынша, зардап шеккен ер адамның денесінің көп бөлігін күйік шалған.

"Оны жедел жәрдем бригадасы өте ауыр жағдайда: басы, беті, мойыны, кеудесі, алдыңғы қабырғасы, арқасы, жоғарғы және төменгі аяқтары II-III дәрежелі термиялық күйік алған күйінде жеткізді. Аумағы - 77-80%. Науқастың жағдайының ауырлығы, табиғи жарақаттар мен реанимациялық шаралар нәтиже бермеді, науқас қайтыс болды", - дейді Қонаев атындағы көпсалалы аурухананың травматология бөлімінің меңгерушісі Евгений Ким.  

Ал облыстық прокуратура "Өзіне қол жұмсау" бабы бойынша іс қозғалғанын хабарлады.