- Басты жаңалықтар
- Қылмыс
- Қару, есірткі, жарылғыш заттар сақтаған: “Алтын орда” базарының басшысы ұсталды
Қару, есірткі, жарылғыш заттар сақтаған: “Алтын орда” базарының басшысы ұсталды
![](https://uaqyt.info/storage/images/Lswz8vmNcBx3Iodj02KkNKmJ13H8vOoiwkQ3GzeG.jpg)
Алматыдағы “Алтын орда” базары директорының орынбасары ұсталды. Оның көлігін тінту кезінде қару және жарылғыш заттар табылған, деп хабарлайды Uaqyt.info.
«Алматы облысы Қарасай ауданының полиция қызметкерлері Алматы-Бішкек тасжолында «BMW» маркалы автокөлікті тоқтатты. Көлікті тінту барысында бір жолаушыдан ерекше иісі бар ақ ұнтақ зат, басқа жолаушыдан МК-471С травматикалық тапанша анықталып, тәркіленді. Сот-химиялық сараптама тағайындалып, тергеу әрекеттері жүргізіледі. Аталған фактілер ҚР Қылмыстық кодексінің 287-бабының 3-бөлігі және 296-бабының 4-бөлігі бойынша тіркелді», - деп хабарлады Алматы облысының полиция департаменті.
Қазір оған қатысты "қаруды, оқ-дәрілерді жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру" бабы бойынша сотқа дейінгі тергеп-тексеру басталған.