Қаза тапқан өрт сөндіруші Арслан Құрманбеков Айбын орденімен марапатталды
Фото Ақорда
Алматыдағы төтенше жағдай кезінде қаза тапқан өрт сөндіруші Арслан Құрманбеков ІІІ дәрежелі «Айбын» орденімен марапатталды, деп хабарлайды Uaqyt.info.
Бұл туралы Telegram-дағы Ақорда арнасы хабарлады.
“Мемлекет басшысының Жарлығымен қызметтік борышын атқаруда көрсеткен батылдығы мен жанқиярлығы үшін Төтенше жағдайлар министрлігінің Алматы қаласы Төтенше жағдайлар департаменті өрт сөндіру және авариялық-құтқару жұмыстары қызметі №7 өрт сөндіру бөлімінің аға өрт сөндіруші-құтқарушысы Арслан Жолдасбекұлы Құрманбеков ІІІ дәрежелі «Айбын» орденімен наградталды”, - делінген хабарламада.
Айта кетейік, Арслан Жолдасбекұлы Құрманбеков 1994 жылы 23 тамызда Алматы облысы Талғар ауданы Талғар қаласында дүниеге келген. Ол 8 мамырда Іле-Алатау табиғи паркінің тау бөктеріндегі өртті сөндіріп жүріп, қайғылы жағдайда қаза тапты.
Ұсынылатын
