Tuesday, 23 July,2024

Қаза тапқандар бар: Ауғанстанда тағы да жер сілкінді

Uaqyt.info
Фото Ашық дереккөзден

Ауғанстанның Герат провинциясында 6,3 магнитудалық үшінші күшті жер сілкінісі болды. Соның салдарынан бір адам көз жұмып, ондаған адам зардап шекті, деп хабарлайды Uaqyt.info.

ҚазАқпарат жазуынша, Ауғанстанның солтүстік-батысындағы Герат провинциясында болған 6,3 балдық жер сілкінісі салдарынан кем дегенде бір адам қаза тауып, ондаған адам жарақат алды.

Одан кейін магнитудасы аз екі дүмпу болды.

Төтенше жағдайларды жою жөніндегі ұлттық билік өкілдері жер сілкінісінің ошағына жақын жерде қирау дәрежесін әлі бағалап жатқанын айтты.

Бұл - Герат провинциясында соңғы уақытта болған үшінші жер сілкінісі.

7 қазанда жер асты дүмпулері Дүниежүзілік денсаулық сақтау ұйымының мәліметі бойынша 1400-ге жуық адамның өмірін қиды.

11 қазандағы кезекті жер сілкінісінен кем дегенде бір адам қаза тауып, жүздеген адам жарақат алды.

Алғашқы жер сілкінісінен бері провинцияның көптеген тұрғындары үйлеріне қайтуға қорқып, шатырларда түнеп жатыр.

Ұсынылатын