Қазақстанда еден жуушы болып жұмысқа тұрудың құны қанша?

Қазақстанда еден жуушы болып жұмысқа тұрудың өзі арзан емес екен. Бұл туралы мәжіліс депутаты Дәулет Мұқаев айтты. Оның айтуынша, жемқорлық елдегі барлық салалар бойынша өршіп тұр, деп хабарлайды Uaqyt.info.

"Барлық жерде ол бала туғаннан бастап азамат қайтыс болғанға дейін бар. Мысалы, бала туғанда балабақшаға, одан кейін мектепке орналастыру туралы сұрақтар туындайды, содан кейін басқа сұрақтар мысалы білім алу, отбасы, жұмысқа орналасу. Бізге Қызылорда облысынан, өзге өңірлерден де азаматтарымыздан хаттар көп түседі. Мысалы, жай тазалықшы болып жұмысқа тұру үшін 500 мың теңге сұрайды, мұғалімдікке жұмысқа тұру үшін бір жарым миллионға дейін сұрайды, маған осындай хаттар келгенде Антикорға хабарласуды ұсынамын", – дейді депутат.