Қазақстанда көмір бағасы тағы қымбаттады

Елімізде көмір бағасы 15 пайызға өсті. Бұл туралы Индустрия және инфрақұрылымдық даму министрлігі Индустриялық даму комитеті төрағасының орынбасары Тұрар Жолмағамбетов айтты, деп хабарлайды Uaqyt.info.

Бұл туралы ОҚК брифингінде Тұрар Жолмағамбетов мәлімдеді. Оның айтуынша, көмір бағасы былтырмен салыстырғанда орташа есеппен 15 пайызға, ал кейбір аймақтарда 7-10 пайызға өскен.

"Шұбаркөл бөлінісінде - баға шамамен тоннасына 7 570 теңге, Шұбаркөл премиум - 9 мың теңге, Қаражыра - 9 мың теңге, Майкөбен көмірі - 6 700 теңге. Айта кетейін, өткен үш жылда баға өзгермеген еді. Қазақстандағы әлеуметтік көмірдің құны ең төмен бағалардың бірі болып саналады. Егер бөліністе ол 7-ден 9 мың теңгеге дейін тұрса, онда пункттердің қашықтығына байланысты баға 25 мың теңгеге дейін жетуі мүмкін. Ресейде коммуналдық-тұрмыстық көмірдің құны 35 мың, Қырғызстанда - 45-50 мың теңге, Өзбекстанда - 50-60 мың теңгеге дейін. Шынында да, бізде бағаның өсуі бар, бірақ көрші елдермен салыстырғанда біз әлеуметтік көмір бойынша ең қолжетімді елдердің біріміз", - деді Тұрар Жолмағамбетов.