Қазақстаннан Назарбаев қана алған: Димаш Құдайбергенге ерекше сыйлық табысталды

Сербияда аты әлемге әйгілі әнші Димаш Құдайбергенге “Karić brothers award” сыйлығы табысталды. Мұндай ерекше марапатты бұған дейін Қазақстаннан тек Нұрсұлтан Назарбаев қана алған, деп хабарлайды Uaqyt.info.

Өз қуанышын Димаш Құдайберген Instagram-дағы парақшасында жазды.

“Құрметті достар! Бүгін Сербияның Белград қаласында “Karić brothers award” сыйлығына ие болдым. Мені әрдайым қолдап жүрген барша тыңдарман қауымға шын жүректен алғыс. Ағайынды Карич сыйлығы әлемге әйгілі ғылым, журналистика, экономика, мәдениет және қоғам қайраткерлеріне табысталады.1979 жылдан бері Карич қорының сыйлығы бұған дейін Нобель сыйлығының лауреаттары Ж.Альферов, П.Хандке,  Қазақстанның тұңғыш Президенті Н.Назарбаев, кинорежиссер Е.Кустурица, қоғам қайраткері М.Мазари, теннисші Новак Джокович, актер Стивен Сигал – барлығы 150-ден астам дарынды адамдарға табысталған болатын”, - деп жазды әнші.