Қонавқа жаңа әкім тағайындалды
Фото ашық дереккөзден
Асхат Бердіханов Қонаев қаласының әкімі тағайындалды, деп хабарлайды Uaqyt.info.
Бұл туралы облыс әкімдігінің баспасөз қызметі хабарлады.
"Алматы облысы әкімінің өкімі бойынша, Асхат Бердіханов Қонаев қаласының әкімі болып тағайындалды", - делінген хабарламада.
Асхат Бердіханов 1975 жылы туған, білімі-жоғары.
Еңбек жолын 1993 жылы Павлодар трактор зауытында электромонтер болып бастаған. Әр жылдары құқық қорғау органдарында әртүрлі лауазымдарда жұмыс істеген.
Балқаш жылу электр станциясы Басқарма төрағасының орынбасары, "Самұрық-Энерго" акционерлік қоғамының бас менеджері, "Алатау Жарық компаниясы" АҚ бас инженері, "Samruk-Kazyna Construction" басқармасының бастығы, Түркістан облысының энергетика және тұрғын үй-коммуналдық шаруашылық басқармасы басшысының орынбасары қызметтерін атқарды. 2022 жылдың сәуір айынан бастап қазіргі уақытқа дейін Ұ.Қантаев атындағы Мойнақ гидроэлектростанциясының Басқарма төрағасының бірінші орынбасары - бас инженері болып жұмыс істеген.
Ұсынылатын
