Қостанайда діни-экстремистік сипаттағы бейнероликтер жариялаған тұрғын сотталды

Қостанай облысында террорлық әрекеттерді насихаттаған тұрғын 7 жылға сотталды, деп хабарлайды Uaqyt.info.

Ұлттық қауіпсіздік комитеті дерегіне сүйенсек, терроризмді насихаттау және діни алауыздықты қоздыру фактісі бойынша Қостанай қаласының тұрғынына қатысты қылмыстық істі тергеп-тексеруді аяқталған.

"Қостанай облысының Бейімбет Майлин атындағы аудандық соты оны аталған қылмыстарды жасағаны үшін кінәлі деп танып, 7 жылға бас бостандығынан айырды", - деп жазылған ақпаратта.

Айта кетейік, сотталушы діни-экстремистік сипаттағы бейне роликтерді, терактілердің және кепілге алынған адамдарды өлімге кесу көрінісін, сондай-ақ халықаралық террористік ұйымдардың символикасын әлеуметтік желілерде жариялаған. Сотқа дейінгі тергеп-тексеру барысында оның кінәсі толықтай дәлелденді.