Қуат Хамитов баланы қанша жаста және қандай спорт түріне берген дұрыс екенін айтты

Аралас жекпе-жек шебері, спортшы Қуат Хамитов ата-аналарға өз кеңесін айтты. Ол баланы қанша жастан және қандай спорт түріне берген дұрыс екеніне тоқталған, деп хабарлайды Uaqyt.info.

Қуат Хамитов өз кеңесін әлеуметтік парақшасында жариялады. Онда ата-аналардан көптеген сұрақтар келіп түсетініне тоқталған. Яғни баланы қанша жастан және қандай спорт түріне берген дұрыс деген бағытта. Сол сұрақтарға спортшы былай жауап берген.

Ең бірінші 5-6 жастағы балаларды гимнастика немесе акробатика спортына берген дұрыс. Өйткені ондай балалар икемді болады. 12-13 жасқа толғанда күрес түрлеріне қатыстырыңыздар. Ал жекпе-жек спорты түрлеріне негізінен 22 жасқа дейін әуесқой түрде шұғылданып, спорт шебері деңгейіне дейін көтерілген уақытта ауысқаны дұрыс, - дейді спортшы.

Десе де желідегі жұрттың пікірі екіге бөлінген. Бірі жақсы кеңес екенін айтса, енді өзгелері нағыз чемпионды дайындау үшін 5-6 жастан бастап тек бір спортқа баулыған абзал дегенді жазыпты.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Куат Хамитов (@kuat__khamitov)