Құдайберген Бекіштің концертіне билетті мұғалімдер 10 мың теңгеге алуға мәжбүр

Әнші Құдайберген Бекіш мұғалімдерге билетті қинап сатып жатыр. Бұл мәселені ұстаздар көтеріп, депутат Дәулет Мұқаевтан көмек сұраған, деп хабарлайды Uaqyt.info.

“Алматы облысы Іле ауданының бір мектебінде жұмыс істеймін. Құдайберген Бекіштің концертіне бізге билетті қинап алдырып жатыр”, - деп жазған желі қолданушысы.

Мұғалімнің бұл жазбасына қатысты депутат пікір білдірді.

“Осындай концерттер қашан бітеді? Құдайберген Бекіш, сіздің концертіңізге билеттер күштеп сатылып жатқанын білесіз бе? Әрине білмейсіз. 1000-2000 теңге билеті болса, бәлкім үндемес едім. 10000 теңгелік билеттерді мәжбүрлі түрде алғызу дұрыс емес!!! Мына постты көріп, Іле ауданының білім бөлімі де бейхабар бола салары анық”, - деп жазды Дәулет Мұқаев.