Сағаты - 500 мың теңге: Танымал блогер әдемі қыздарды жезөкшелікке жегіп, млн-дап табыс тапқан

Жезөкшелікпен айналысатын “элиталық эскортшылар” желісінің ұйымдастырушысы ұсталды, деп хабарлайды Uaqyt.info.

Polisia.kz медиа-порталының жазуынша, ІІМ ұйымдасқан қылмысқа қарсы күрес департаментінің қызметкерлері көліктегі полиция департаментінің ҰҚҚКБ-мен бірлесіп, сол топтардың ұйымдастырушысы мен әкімшісі – 25 жастағы алматылық қызды ұстады.

Ол ақшаға сексуалдық қызмет көрсетуге дайын келбетті қыздарды іздеп, бай клиенттерді тартумен айналысқан. Ол қыздарға «демеушілерді» табуға, әлемді көруге және өмірін жеңілдетуге уәде берген. Топқа кіру 300 АҚШ долларын құраған.

Көрсетілген жеңгетайлық қызметі үшін күдікті клиенттен түскен ақшаның 40%-ын өзіне алып отырған. Ал қалғанын қызмет көрсеткен қыз алған. «Кездесудің» құны бір сағат үшін 500 мың теңгеден бастап, әртүрлі бағамен өлшенген.

Қаржы мониторингі агенттігімен бірлесіп, деректерді талдау нәтижесінде күдіктінің 2022 жылғы қаражат айналымы анықталды. Ол 209 млн теңгеден астам соманы құрады. Секс-бизнесті ұйымдастырушы өз қызметін жасыруға тырысқан.

Өзін Instagram әлеуметтік желісінде 100 мыңнан астам оқырманы бар табысты модель әрі блогер ретінде көрсеткен. Ресми түрде еш жерде жұмыс істемеген. Тінту барысында күдіктіден қылмыстық «бизнес» туралы жазбалары бар күнделік, жаңа және сатып алынатын жылжымайтын мүлікке құжаттар, ақ түсті ұнтақ заттың қалдықтары бар қалта айнасы, есірткі заттарын тұтынуға арналған бұралған ақша, Lexus ES 250 және Toyota Camry 70 марок автомашиналар, сондай-ақ салмағы 1,72 грамм болатин «мефедрон» табылып, тәркіленді.

Сонимен қатар жезөкшелікпен айналысу үшін осы «жабық» топтарда тұратын «элиталық эскортшылар» полиция бөліміне жеткізілді.

Прокуратура келісімі бойынша ҚР ҚК-нің 309-бабымен «Жезөкшелікпен айналысуға притондар ұйымдастыру және жеңгетайлық» және 297-бабымен «Есірткі құралдарын, психотроптық заттарды, ардолы аналогарын өткізу мақсатында заңсыз дайындау, қайта өңдеу, сатып алу, сақтау, тасымалдау» сотқа дейінгі іс қозғалды . Күдікті қамауға алынды. Тергеу жалғасуда.