Салтанат өлген күні Бишімбаевпен сөйлескен көріпкел сотта жауап берді
Фото ашық дереккөзден
Қуандық Бишімбаев ісі бойынша сотта куәлік еткен көріпкел-таролог қайғылы оқиға болған күні туралы айтып берді. Оның айтуынша, Қуандық Бишімбаев Салтанат Нүкенова өлген күні қайта-қайта қоңырау шалып, мазасын алған, деп хабарлайды Uaqyt.info.
Көріпкел қайғылы оқиға болған күні Бишімбаевқа жедел жәрдем шақырту керектігін бірнеше мәрте айтыпты. Бірақ күдікті Салтанаттың ұйықтап жатқанын және ол туралы мәліметтерді біліп беруін сұрап, қайта-қайта хат жазып, қоңырау шалған.
“Мен Бишімбаевқа жедел жәрдем шақыру керектігін бірнеше мәрте айттым. Кейіннен анасына хабарласып, баласының бірнәрсе бүлдіргенін жеткіздім. Анасы жылап жіберді”, - деді көріпкел сотта.
Сондай-ақ сотта көріпкелді Бишімбаевқа анасы Альмира таныстырғаны белгілі болды. Қуандық Бишімбаев көріпкелмен 1,5 жылдай таныс болған және бизнесі мен келешегіне қатысты сұрап отырған.
Ұсынылатын
