"Сенбеймін". Бауыржан Ибрагимов аяқасты арбаға таңылды деген Болат Назарбаев туралы шындықты айтты

Белгілі әзілкеш, бүгінде кәсіпкер Бауыржан Ибрагимов Болат Назарбаевтың жақын досы болғанын айтты. Тіпті соңғы уақытта арбаға таңылуына сенбейді екен, деп хабарлайды Uaqyt.info.

Бұл туралы Бауыржан Ибрагимов журналист Нұрсейіт Жылқышыбайдың "Уақыт көрсетеді" бағдарламасына берген сұхбатында айтты. Онда белгілі әзілкеш Болат Назарбаевпен жақын дос екенін мойындаған.

"Көп болды хабарласпағаныма. Қазір әр нәрсеге сене беретін жастан өтіп кеткенмін. Ақыл тоқтатқан кезде болады. Сондай дүниесі бар, дені сау жүрген жігіттің ауыра қойды дегеніне сенбеймін. Бірақ көзбен көрмегеннен кейін пәлен деуге болмайды. Ол кісі ондай емес деп ойлаймын", - дейді ол.

Сонымен қатар сұхбат барысында Нұрсұлтан Назарбаевпен соңғы рет қашан кездескенін және қазір немен айналысып жүргеніне тоқталған.