"Сенен ештеңе шықпайды десе, ауылға қайтасың". Ұлықпан Жолдасов әнші Абай Бегейдің бетін қаққанын мойындады

Әнші Ұлықпан Жолдасов "Ұйқым келмейді" бағдарламасында қонақ болды. Ол әңгіме барысында продюсерлік жобалары туралы, оның ішінде Абай Бегейге байланысты құпиясын ашты, деп хабарлайды Uaqyt.info.

"13 жобаның продюсерімін. Студияма көп әншілер, жастар, ауылдың жігіттері келетін. Ішінен іріктеп, жақсыларын алып қаламын. Бетін қайтарған әншілер де болды. Олардың арасында Абай Бегей де бар. Ол кезінде асаба ағамның музыканты болып тойға шығып жүретін. "Тамашаға" шығаруға дайындығы төмен болған соң 2-3 рет қайтарып жібергенім бар, - деп бастады әңгімесін ол.

Сондай-ақ,Ұлықпан Жолдасов Абай Бегейге вокалды кім үйреткенін, әншілікке қалай келгенін де айтып берген. Сөзінше Абай Бегей әнші Диана Шарапованың шәкірті.

"Мен оған Диана Шарапова сені вокалға үйретемін деп келіссе, онда қаласың дедім. Ал егер сенен ештеңе шықпайды десе, онда ауылға қайтасың деп ескерттім. Осылайша Диана Абай Бегейге ән айтудың қыр-сырын үйретіп, сабақ берген", - деді Ұлықпан Жолдасов.