“Шығармашылық тоқырауға ұшырадым”. Қайрат Түнтеков жолы болмай жүргенін айтты

SuperStarKZ жобасы арқылы халыққа танылған Қайрат Түнтеков саханаға қайта оралуды  көздейді. Ол бұл туралы "Saltanat Live" бағдарламасына берген сұхбатында айтты, деп хабарлайды Uaqyt.info.

"Соңғы уақытта Шымкентке көшіп келдім. Алматыда бірнеше жыл тұрдым ғой. Әр түрлі жағдайлар болды. Шығармашылық тоқырауға ұшырадым. Өзімнің кәсібім де болды. Бірақ карантин кезінде жабылып қалды. Жалпы Шымкенттемін. Осы қаңтар айынан бастап шығармашылыққа қайта кірісемін. "Ораламын" деп айтып жүремін де, экраннан көрінбей кетемін. Оның себебі көп. Өзімді тастай салдым. Сонымен жұмысым да жүрмей қалды. Әр тыңдарманыма "Осы жылы оралам" деп айтамын", - деді Қайрат Түнтеков.