Танымал продюсер халықтың сұрауы бойынша коуч атанбақ

Танымал продюсер Гүлзира Айдарбекова Қазақстандағы №1 коуч болғысы келетінін айтты, деп хабарлайды Uaqyt.info.

“Маған direct-ке қыздар «Сізден неге сабақ алмасқа?» деп жазады. Үлкен кісілер де көрген жерде «Біз кімнен сабақ алар едіңіз?» деп сұрасақ, «әрине, Гүлзира Үсенқызынан» деген жауап естиміз деп көп айтады. Мен шетелдік кітаптарды оқып алып, қайталап айтып бермеймін. Ойланып қарасам, менің өмірден алған сабағым көп, маған неге ақыл айтпасқа? Өмірге бала алып келіп көрмеген, бала тәрбиелемеген адамдар «коучпын» деп шығып жатыр. Өзі күйеуге тимеген қыздар отбасылық бақыт туралы айтқысы келеді. Мұның бәрі дұрыс емес. Соны көріп тұрып, қарным ашады. Біздің қазақтар кейде шетелдің менталитетімен өмір сүргісі келеді. Қазақы менталитетіміз басқа ғой. Үлкенді, ата-енені сыйлау, құрметтеудің барлығы келінге байланысты. Келін - үйдің бағы. Біз келіндерімізге ақылымызды айтуымыз керек”, - деді Гүлзира Айдарбекова.