Тұңғышбай Жаманқұловтың кинодағы 10 секунды қанша тұрады?
Фото ашық дереккөзден
Белгілі актер Тұңғышбай Жаманқұловтың киноға түскені үшін алатын гонорары арзан болмай шықты. Ол он секундтық сахнасы үшін 800 мың теңге сұраған, деп хабарлайды Uaqyt.info.
Бұл туралы "ХабарLike" бағдарламасында қонақта болған "Миллион" КВН командасы мәлімдеді. Олардың айтуынша, “Жездуха” фильмін түсіру үшін аз қаржы кетпеген.
Қымбат актерлардың қатарында Тұңғышбай Жаманқұлов та болыпты. Актер 10 секундтық сахнаны түсіру үшін кино алаңында жарты сағат уақытын жұмсаған. Сол үшін 800 мың теңге алыпты.
"Киномызға Тұңғышбай Жаманқұлов ағамыз түсті. Ол кісі бір қысқа әзілге бола керек болды бізге. Ол кісі қанша гонорар сұраса да, оған жарасады. Біз үшін қымбаттау болды. Бірақ ол кісі үшін өз бағасы бар. Жарты сағатқа 800 мың теңге бердік. Кинода он секунд ғана. Кеше қарап отырсақ, Тұңғышбай атамыз түскен сахна халықты қатты күлдірді. 800 мың теңге ақталды", - деді Қанат Тасхан.
Ұсынылатын
