Түркияда тағы бір қазақстандық жол апатынан көз жұмды

Түркияның Алания аймағында тағы бір қазақстандық көз жұмды. Оны тас жолда автокөлік қағып кеткен, деп хабарлайды Uaqyt.info.

Бұл туралы келінешктің ағасы Facebook-те жазды. Онда 38 жастағы әйелді тас жолда қағып өлтіргеніне тоқталады.

"Жұма күні, 13 қазанда қарындасымыз Әлия Құлмағамбетовадан айырылып қалдық. Жасы 38-де ғана еді. Бүкіл өмірі алда, жоспары көп болатын. Оны Аланияның Кестель ауданындағы D 400 тасжолында автомобиль қағып кетті. Полицияның сөзіне қарағанда, ол жолды белгіленген бөліктен, бағдаршамның жасыл түсі жанған кезде кесіп өткен, тергеу жүріп жатыр. Көлік тізгінінде жас қыз болған. Оны оқиғаның анық-қанығын анықтағанша үйіне жіберді. Осының алдында ғана Әлияжан жол-көлік оқиғасына куә болған еді. Тіпті ол туралы чатқа да жазған. Сондықтан біз полиция айтып отырған нұсқаның дұрыстығына сенімдіміз – жолды ережеге сай кесіп өткен. Түркия тарапы тергеуді әділ жүргізеді деп үміттенеміз", – деп жазады марқұмның ағасы.

Сыртқы істер министрлігі Түркияның Алания аймағында тағы бір қазақстандықтың көлік апатынан көз жұмғанын растады.