Түркиядағы су тасқынынан бірнеше адам көз жұмды
Фото Ашық дереккөзден
Түркияда толассыз жауған жаңбырдан су тасқыны болып, төрт адам қаза тапты. Ондаған адам жарақат алса, із-түссіз кеткен бірнешеуі іздестіріліп жатыр, деп хабарлайды Uaqyt.info.
Бұл туралы ҚазАқпарат жазды.
Ақжауын Түркияның ондаған провинциясында жалғасып жат ыр. Анкара мен Ыстанбұлда ескерту жарияланды.
Невшехир, Ақсарай және Кайсери провинцияларында су тасқыны салдарынан үш адам қаза тапты, олардың арасында үш айлық сәби де бар. Қозғалыс жабылған жолдарда көлік ішінде қалып қойған 13 адам құтқарылып, ауруханаға жеткізілді.
Бұдан басқа, Қара теңіз жағалауында орналасқан Ақсарай, Кыркларели және Игнеада қалаларында 5 адам із-түзсіз жоғалып кетті, жергілікті екі тұрғын құтқарылды.
AFAD (ТР Төтенше жағдайлар министрлігі) басшылығының мәліметіне сәйкес, қазіргі кезде адамдарды құтқару және жоғалған азаматтарды іздестіру жұмыстары жүргізіліп жатыр.
Сарапшылардың бағалауынша, нөсер жауын үзіліспен бірнеше күнге созылады.
Су тасқыны салдарынан тұрғын үйлерді су басып, егін алқаптары, көліктер бүлініп, талай жол қирады.
Ұсынылатын
