ҰҚК Қожа Ахмет Ясауи кесенесіндегі террористік актінің алдын алды
Uaqyt.info
![](https://uaqyt.info/storage/images/IA7qpMRIBR1g5OBVkU9waeBw7n2LG0XKFsgU1V6o.jpg)
Биыл Ұлттық қауіпсіздік комитеті Астанада және Түркістандағы Қожа Ахмет Ясауи кесенесінде жоспарланған екі террористік актінің алдын алды, деп хабарлайды Uaqyt.info.
Бұл туралы Шанхай Ынтымақтастық Ұйымының Аймақтық терроризмге қарсы құрылымының 40-кеңесінің ашылуында ҰҚК төрағасының орынбасары Руслан Сейсембаев айтты.
"Биылдың өзінде ғана Түркістандағы Қожа Ахмет Ясауи кесенесінде дайындықтың бастапқы кезеңінде болған, қолдан жасалған жарылғыш құрылғымен жасалатын жарылыстың, сондай-ақ, Астанадағы жұрт жиналатын орындарындағы қарулы шабуыл тоқтатылды", - деді Руслан Сейсембаев.