Ұшақ бортсерігін ұрған әншіге айыппұл салынды
Uaqyt.info
Фото Ашық дереккөзден
Fly Arystan бортсерігіне шабуыл жасаған әнші Бауыржан Нұрымбетовке айыппұл салынды. Бұл туралы Ішкі істер министрлігі Әкімшілік полиция комитетінің төрағасы Қайсар Сұлтанбаев мәлімдеді. Оның айтуынша, ұшақ қызметкеріне қол көтергенде әнші мас күйде болған, деп хабарлайды Uaqyt.info.
“2024 жылғы 17 қаңтарда Астана қаласының мамандандырылған ауданаралық әкімшілік сотының қаулысымен азамат Нұрымбетов әкімшілік құқық бұзушылық жасағаны үшін кінәлі деп танылып, 15 АЕК немесе 55 380 теңге әкімшілік айыппұл түрінде жауапкершілікке тартылды”, - деді Қайсар Сұлтанбаев.
Айта кетейік, Бауыржан Нұрымбетов көпшілікке «Шіркін life 2» телешоуының жеңімпазы ретінде танылған болатын.
Ұсынылатын
