Monday, 17 June,2024

“Жаргондармен көп сөйлейтін болыпты”. Ринат Зайытов Бекболат Тілеуханға жауап берді

Uaqyt.info
Фото Ашық дереккөзден

Мәжіліс депутаты өзін популист деп атаған Бекболат Тілеуханға жауап берді. Ринат Зайытов қазіргі уақытта Түркияда тұратын экс-депутаттың жүйкесі сыр бегеніне тоқталды, деп хабарлайды Uaqyt.info.

Өз пікірін айтыскер ақын “Адал адам” арнасына берген сұхбатында айтты.

“Жалпы мен өзім Бекболат Тілеухан туралы әңгіме айтудан қашамын. Өйткені, ол кісі әңгімені әрі қарай әкете береді. Ол кісімен әлеуметтік желіде айқайласып жүруден нәтиже шығады деп ойламаймын. Халықтың көкейінде жүрген сұрақты үкіметке жеткізгенімнің қай жері популизм екенін түсінбедім. Онда бәріміздің сондай болғанымыз ғой. Содан кейін популизмді адамдар танымалдығын арттыру үшін жасайды. Ал маған оның дымға да керегі жоқ. Айлық 300 мың ешқашан болмайды дегенімен келіспеймін. Өйткені, нақты цифрға келетін болсақ, айлықты жыл сайын 15, 20, 30 пайызға дейін көбейеді. Жүрген жерімде керемет әнші деп айтып жүремін. Оның еңбегін ешкім жоққа шығарып жатқан жоқ. Бірақ, осындай түсініксіз әрекеттер жасайды. Адам ретінде көңілің қалады. Ішіңнен осы кісіге не істеп қойдым деймін. Жанталасып әңгіме айтады. Ол кісі шетелде жүргеннен кейін кішкене күмәнім бар. Жүйкесі сыр бере бастады ма екен? Өте агрессив сөйлей бастайды. Осындайды көп айта бастады. Сосын көшенің жаргондарын көп пайдаланатын болыпты. Сондықтан жүйкесі сыр беріп жүрген шығар деп ойлаймын. Басқа не деп ойлаймын? Ондай әңгіменің отырып мен де түбін түсіріп айта аламын”, - деді Ринат Зайытов.  

 

 

Ұсынылатын